FRA MOGLIE E MARITO NON METTERE IL DITO… DEL SINDACO - Mariuzza, senti la muggheri, t’addiri ‘na cosa: siccomu su quarantamila abitanti trentanovemila e novicentu hannu rininciatu di fari ‘u Sinnacu, po’ essiri chi ora tocca a mia e mi chiamanu, cosa ci devo rispunniri? Accettu o no!? - TU, Curu’!? E tu chi si’ cosa! Nun si bonu mancu a cumannari a casa, nun sai mancu organizzari ‘na pizziata cu to’ cumpari e vulissi fari ‘u Sinnacu!? Ma va caca… - Ma picchì Mariuzza chi ci voli pi’ fari ‘u Sinnacu? - Pippù, la prima cosa è la cultura, ricordati chi ti pigghiasti un pezzu ‘i catta cu l’ammuttuna e arristasti semianalfabeta. - La cuttura dici? Mi manca la cuttura? Ma tu quannu ‘a scinniri a pasta pi viriri s’è cotta a cu la fai sazzari? A mia; quindi per cuttura nun mi futti nuddu! - Sì,lu maritu, ma devi conoscere tante cose, devi saper dare a tutti la giusta consulenza… - Consulenza!? Avi ‘na vita chi consu lenza, quannu armu ‘u palangaro pi ghiri a piscari chi fazzu?: cosu…lenza! - E poi, lu maritu, come farai con i debiti del Comune, lo sai che il Sinnacu precedenti ha lasciato quasi otto milioni di debiti? - Chi problema c’è! Io sono esperto di queste cose: ci nascivi ‘nmezzu i debiti! E poi, cara muggheri, sono convinto che accetto, picchì ‘ncuntravi u senaturi e mi rissi che un buon Sindaco deve saper raccontare fesserie alla gente… e iu sugnu u primu minchiazzeri di Sciacca!!! - Minchiuni, lu maritu , mi cummincisti. Veru ‘u Sinnacu po’ fari!
Pippo Graffeo